Video:O Hriczko pes diňa ko Harabin,akana mangel le Rómen kaj les te volinen andro voľby

Kajse džene so imar nadžanen sar pes tedochuden andre politika the andro europarlamentos skušinen pro roma šelijaka ťahy . Le Ivan Hriczko bud džene prindžaren padalo facebook sar slušnones a godžaverones manušes so hyno sikľardo avri ,no oda nane svoro. ! Jek neveder pes dina andre strana Vlasť kaj patrinel le Harabinoske,le Hriczkoskoro číslos andro voľby hyno 37.

Dži akanakes paleste nisar našundžolas a nisostar nič pes jekhvar sikadža pro internetos,bo imar aven o voľby a kampel kaj les o róma te voľinen. Soske kada kerdža a geľa práve andre le Harabinoskeri strana? Ča džanel jov korkoro.! Nazabisterdža andro video te dophenel ,že le romen nane pani, elektrika infraštruktúra a dživen nadre extremno čoripen. Jednoducho sar o góre phenen: ROZVOLEBNIEVA SA !

Andro video kaj kerdža mangel le romen kaj les te volinen bo len ela andro europarlamentos romano zastupenie. Sar džanas imar jekh dženo kode hyno o Polák a padalo róma nakerel absolutne nič,hyno rado,že pes kode dochudľa a sar pes phenel romanes” Ačon devleha romale man imar nazaujiminen miro thand dochudľom” The kada šaj kerel o Hriczko niko nadžanel. Niko peske nadžanel ani te prestavinel keci romen o Harabin thodža andre bertena sar sas sudcas a ča vašo cikne prestupky sar napriklad,že čorenas o kašta andalo vejš,andale skľepa e čokoláda ,vaše tenderica, jekhe laveha phendo phandelas le romen vašo banality.

Nadočirla o Harabin pozvindža le Kotlebas pre jekh stretnutie. Pro agor len esas igen ostro duma so duj dženen, akanakes lengeri retorika pes zjemnindža so šaj jel signalos, že roden peske drom kaj te ospravedlninen pažo voliča koda ,že pen šaj the spojinen sar o góre phenen kerna volebna ťahy. Phendža o politologos :Pavol Baboš padalo https://hnonline.sk/

Dikhen e reportáž a teleder dighen so del duma o Ivan Hriczko

Kliknin Pro prehravačis.  

Zdroj:https://hnonline.sk/parlamentne-volby-2020/2039175-harabin-reaguje-na-kotlebu-pozval-ho-na-stretnutie

Video zdroj: Ivan Hriczko   facebook

Redakcia spravodajstva PRESS.TV Erik Hilár Lakatošovie

Advertisements