Čore Róma Bystranendar  imar buther sar duj kurke koleske sar kelende avle o šungune the o slugadža, cala givesa the mek rači pre lende den pozoris. Le  phuren Rómen nane ani kuľky, naši džan ko dochtora daresave Róma the roven ladžan pes le nipendar bo penge duminen ,že hine nakazimen koronavírusoha. The mek aj tak len pre duvareste kode o raja testinde a ani masovar nikas kode naarakhle kaj teelas vareko pozitívno pro Covid 19.

Duj gives palal sar lenge o raja phende , že šaj džan avri penge andalo ghera. Mušinas te phenel ,že nikas kodoj  nasas koronavírus no o raja len aj tak phandle andre sar andre rezervácia. Pre patradži pen o Róma ani nazabajinde sar pes patrinel savore bešenas ando khera smutnones a ča užarenas  kana len o raja muke aspoň pre dvora.

Adažives by lenge majinenas te ophundravel imar lengeri dvora a šaj by penge imar the džanas pro gav. Vakeren ,že kode majinel tedžal až o Matovič the o Pollák , práve jon duj džene dine buther sar štár gava kaj bešen o Róma te phandel andre a dine len andre karanténa. Masovar len kampela te voľinel vaško da kaj avka kerde le romenca sar rikoneca sa o nipi andal aver štáty ča pen čudalinen so kerde pre Slovensko le romenca.

O róma Bystanatar imar tosarastar užaren či lenge lena o šungune the o slugadža tele o pasky a  či len mukena andro foros. Amen tumenge anaha o hiri mek adažives sar kada dopeľa.

Redakcia spravodajstva PRESS.TV

Advertisements